vintra silento ... hajko

fluantaj nuboj 

super vintra arbaro ...

la mondo svenas

stela brileto

ja pruvo de l'ekzistad' ...

jarfina sojlo

alia mondo

enlumas tra la luno ...

vintra silento

hejmen rapide

ruĝ-lampa procesio

ho! kristonasko

aŭskultu neĝon ...

mallaŭte murmuri al 

iu sensence

falo de glanoj ... hajko

or-luma eĝo

krozadas en la nuboj ...

aŭtuna leĝo

bela soleco ...

jen ŝelo de pasio

ruĝa kapsiko

falo de glanoj ...

ruliĝante fariĝas

ovo de kosmo

ni ludu kune

hej! s-ro alt-ombro ...

aŭtuna vesper'

intermiksite

pleniĝo je aŭtuno

ho! herbokampo

signo de vintro ...

matena ruĝ' el fendo

en grizaj nuboj

trista vaganto ... hajko

supren rigardi ...

ĥaoso farita de

aŭtunaj birdoj

trista vaganto ...

nebulpluvo veadas

tra la kvartalo

jen silueto ...

alt-flugas aŭtuna korv'

en vesper-ruĝo

jen blanka ombro

super arĝentaj herboj

la luno restas

ho, Monto Fuĵi

neĝokovrita pinto

plinto de nuboj